Tanggal 29 Maret kala wingi,UNNES ngawontenaken adicara wayangan,kangge
mengeti Dies Natalis UNNES kaping 49.Wayangan punika dhalangipun inggih menika
Ki Purba Asmara,ingkang lakon Semar Bangun Kayangan.
Ing adicara menika kula dados panitia,kula dados sie.konsumsi ingkang ngurusi
babagan dhaharan,saking dhaharipun tamu
undhangan,pangrawit,sinden,dhalang,ngantos panitia.
Amarga dados panitia,kula mboten saged nonton wayang ngantos
rampung.Namung sakedhap-sakedhap menawi mboten repot.Dados cariyosipun
menapa,kula mboten mangertos sanget.
Ingkang kula mangertosi cariyosipun inggih menika :
Semar prihatin sanget kaliyan keadaan donya sing mboten
temtu.Ketamakan saha kerusakan mboten karu-karuankedadean wonten donya
punika.Menungsa padha supe kaliyan jatidirinipun,dados mboten wonten
katentreman.
Amarga punika,Semar pengin bangun kayangan,artosipun Semar pengin ngresiki
jiwa ngagem budi pekerti luhur saha utamanipun gesang.
Petruk diutus Semar kagem ngampil Kalimasada dhateng Pandawa,kangge sarana
bangun kayangan.
Ing wekdal punika,Pandawa inggih nrima tamu,Kresna sing inggih pengin
ngampil Kalimasada kangge tumbal negeri Dwarawati sing nembe kena
bencana.Lajeng perang antaranipun Kresna ingkang didukung Baladewa kaliyan
Petruk ingkang didukung Anoman,Gathotkaca,lan sanes-sanesipun.ananging wonten
sebab sanes ingkang terlibat masalah punika,yaiku Kurawa.Petruk kalah,lan
dhawah wonten wana,ananging piyambakipun ditulung Gandarwa Rajaswala
(Bapanipun).
Petruk dibantu kagem madosi Kalimasada saha mbiyantu nylametaken
Pandawa.Semar angsal petunjuk saking sang Hyang Wenang babagan maknanipun
gesang saha konsep utamanipun kagem landasan katentreman donya.
Namung menika ingkang kula mangertos.Menawi mboten klintu,kirang
langkungipun makaten.
